影片
更多
2009-01-09
3 瀏覽
最喜歡閒日出街行，唔駛逼又有抵野食，今次就0係一田行完，就過去希爾頓食d野，點解唔索性一田那邊食?因為以前沙田做野時知道呢邊下午茶抵食囉~都好耐冇食泰國野，就揀左呢間，因為見到d下午茶set真係好抵，十幾蚊都有野飲送(淨係熱飲，不過天氣凍就0岩0岩好啦~) 我入到去自己可以隨便揀位坐，因為得5、6檯有人咋，閒日真係大把位 我以前做野時都食過一次，等位要等幾耐架﹗因為特登揀星期三有八折先去，之但係我叫d野要等好耐先黎，搞到同事都食飽哂睇住我以極速倒入口咁食囉真係幾難忘，每次諗起食到不知其味咁食都覺得好慘，不過今次應該唔會卦我叫左泰式豬扒河+熱奶茶，15蚊咋﹗最抵係呢set~奶茶好快就黎，但係我見杯野顏色勁淺，勁多奶，試左一啖簡直覺得冇乜茶味，我就即刻招手請waitress換過一杯少d奶，跟住估佢唔到0既係，換黎0既係茶同奶分開上，好似d西餐廳咁，waitress語氣唔係咁好咁話「下次記得叫分開上呀」，呢個係似泰國人0既waitress，但同我點菜0個個姨姨就好和藹可親~我見杯茶d色一d都唔深，唔怪得冇乜茶味lu所以只係將少半杯奶倒入茶度，d色已經好淺喇~一飲，OMG!!似奶水囉加左糖都
都好耐冇食泰國野，就揀左呢間，因為見到d下午茶set真係好抵，十幾蚊都有野飲送(淨係熱飲，不過天氣凍就0岩0岩好啦~)
我入到去自己可以隨便揀位坐，因為得5、6檯有人咋，閒日真係大把位
我以前做野時都食過一次，等位要等幾耐架﹗因為特登揀星期三有八折先去，之但係我叫d野要等好耐先黎，搞到同事都食飽哂睇住我以極速倒入口咁食囉真係幾難忘，每次諗起食到不知其味咁食都覺得好慘，不過今次應該唔會卦
我叫左泰式豬扒河+熱奶茶，15蚊咋﹗最抵係呢set~
奶茶好快就黎，但係我見杯野顏色勁淺，勁多奶，試左一啖簡直覺得冇乜茶味，我就即刻招手請waitress換過一杯少d奶，跟住估佢唔到0既係，換黎0既係茶同奶分開上，好似d西餐廳咁，waitress語氣唔係咁好咁話「下次記得叫分開上呀」，呢個係似泰國人0既waitress，但同我點菜0個個姨姨就好和藹可親~
我見杯茶d色一d都唔深，唔怪得冇乜茶味lu所以只係將少半杯奶倒入茶度，d色已經好淺喇~一飲，OMG!!似奶水囉加左糖都係補救唔到d咩，就算再換都唔會有咩唔同，我已經死左心-->唔飲
呢個時候個河黎到，個樣幾好架﹗我先夾起一塊豬扒試，um...幾「鞋」，不過總算有d泰式野0個種香料味，d河粉好粗，不過好碎，用對即棄0既木筷子夾真係有d吃力呢anyway，食完都可以填飽個肚咁啦~
我記得上次黎有紙巾，今次冇，唔通節省成本?
呢度有個女子係著住成套泰國服飾架﹗睇個樣都似係泰國人，唔知係咪老闆，佢同語氣唔係咁好0個個waitress好似熟d，我去cashier埋單時，已經有人等緊，因為cashier竟然冇人，而佢地兩個仲施施然咁推黎推去0係度傾偈，最後那疑似老闆先過黎幫我埋單，咁0既服務態度要改呀﹗
張貼
