新森林焗之專門店 (已結業)

係女人行下，睇下有d咩餐廳係未食過先，同事見到新森林就話想食焗豬飯，今日遲左食lunch，啱啱入到餐廳，學生們就紛紛離開趕返學，所以就立即有位。午餐勁多選擇，不過今日無乜胃口，唔想食芝士啊！點左一碟無肉既炒飯，配一杯熱飲，都係$36。又幾抵！杯熱檸茶到左，我呆左，咁唔環保既，紙杯都算，仲用即棄膠匙🙄唔環保到一個點！蟹籽蟹棒肉粟米粒炒飯味道係無肉既楊州炒飯，炒得乾身唔會油，味道都正常，無乜特別，份量唔大，只夠我呢d比較細食既人。不過$36係咁上下！試左同事既焗豬扒飯又幾好味喎！