小肥牛蒸氣石鍋火鍋專門店 (已結業)

首先，打電話book位時佢話最優惠任食套餐係$198，六點開門，七點半前離座就可以$198一個人。我們5:45早到，問可否入座，職員說5:30開始營業，5:30入座可以食到7:30，因每枱可以食兩小時。一座低，無餐牌，佢話揀火鍋食物就得。問佢個餐有乜，佢話最優惠乜都有囉，見到有宣傳單張問佢係咪一樣，佢話係$248嗰個，宜家7:30pm前就$198，但見到內容唔同，佢又話宣傳單張只係廣告，下咁都得？好，我們叫飲品，明明寫住生啤$18，就話個優惠價係廣告，杯生啤其實收$58杯。海鮮非常麻麻，蜆好多沙，多到食唔到，青口好多無開，侍應話食得㗎，自己打開囉。下？咁都得？蝦都梅梅地，龍蝦一般，算最新鮮的一樣。鮑魚都一般，比目魚根本over cooked 又無鮮味。個粥d米全部一舊舊，好難食，湯底根本唔係乜新鮮湯全部最好食係鮮牛丸，食到牛味，其他食物都差。最重要根本無任食，呢樣嘢好唔老實，佢話7:30係有另一個任食餐，咁點解唔俾人揀？個粥底至過份，一舊舊粥，硬米。好差。埋單 $44x食唔飽，好掃慶！劣！