蕃滿門

營業中

休息中

平時都好鍾意食蕃茄湯底嘅食物，但住咗大埔咁耐都未食過呢間蕃滿門，今晚路過見餐廳冇乜人就入去試吓，點知中大伏！我嗌咗個西蘭花雞肉螺絲粉，落單嘅時候揀咗要硬啲嘅粉，結果就嚟咗一碗煮到爛爛地又唔熱嘅螺絲粉，唔知餐廳係咪好擔心客人嘅牙齒健康，所以特登煮到啲粉咁腍，等我地唔使咬直接吞就得！至於啲餸，西蘭花得三舊，正正常常，但啲雞肉就偏鞋，份量亦都唔多！個set連埋嘅雞翼都唔好食，得手指尾咁嘅size，仲要炸到黑黑地咁。要個客手機落單又出去埋單，咁嘅service都夠膽收加一！呢間餐廳性價比真係好低！！