Wildfire Pizzabar (諾士佛臺) (已結業)

最近wildfire出左個99蚊任食1.5小時既下午茶，就走左去試😋個任食包可樂/嘉士伯，每日指定款式既pizza同意粉，同埋小食。而我個日去就係夏威夷pizza，肉醬意粉同埋腸仔既拼盤。個夏威夷Pizza焗到脆卜卜，幾啱我口味，又食唔厭，都食左好多落肚。個肉醬意粉就麻麻哋，蕃茄有啲太酸，同埋仲有芝士，幾膩下。而個腸仔拼盤最正，有幾款唔同口味既腸仔，全部都熱辣辣又脆又juicy，食極都唔厭🤩而餐廳既環境幾暗，播d英文歌，好啱同朋友去飲下酒好chill咁傾計，幾好氣氛。店員既服務都幾好，啲嘢好快就refill，唔洗等好耐咁。overall都幾抵食。