影片
更多
2024-12-26
79 瀏覽
近日天氣凍，心思思想吓辣🌶️，於是上網搵咗間喺九龍城嘅川菜餐廳——見見面😋。先講講餐廳嘅環境🏡，簡約而舒適，帶有一種溫馨嘅傳統中菜館感覺，一坐上枱就俾咗一碗勁香口嘅麻辣煮花生🥜，超好食😋。*🍖 糖醋里脊* 老真講其實我哋唔算好食得辣，所以我哋先叫咗道糖醋里脊。呢度菜式非常令人驚喜🤩：除咗啲豬柳肉做到外脆內嫩之外，個糖醋汁竟然帶有種四川麻辣嘅鮮香味，但又唔會辣。酸甜鹹平衡得好好⚖️。呢個川味糖醋里脊值得推薦。*🥬 清炒萵筍絲* 再嚟嗌咗個清炒萵筍絲。清爽可口💚非常適合作為川菜枱面嘅蔬菜🥗。萵筍絲整得幾脆嫩，加埋蒜蓉爆炒，我覺得有超越咗「家的味道」咁出色，如果再加多啲蒜蓉就仲正🤪。*🐟 酸菜魚（生魚）配紅薯粉🍠+寬粉🍜* 到今日嘅戲肉喇！唔係講笑，啲魚片好鮮🌊，魚肉非常嫩滑，一啲都唔腥。而湯底都好正，湯汁酸辣香濃，味道上我覺得比起出面一啲連鎖店還要好，可能係因為佢哋嘅酸菜幾出色，酸度啱啱好。而紅薯粉同寬粉掛到啲湯汁，椒麻微辣🥵🤤，口感軟彈滑捋捋，真係超正超滿足😌。*🍮 桂花冰粉* 最後講下甜品桂花冰粉🍧，呢個甜品真係勁正！冰粉嘅口感冰涼清新，配合埋桂花🌸同杞子嘅香味，非常解膩❄️，好啱食
*🍖 糖醋里脊*
老真講其實我哋唔算好食得辣，所以我哋先叫咗道糖醋里脊。呢度菜式非常令人驚喜🤩：除咗啲豬柳肉做到外脆內嫩之外，個糖醋汁竟然帶有種四川麻辣嘅鮮香味，但又唔會辣。酸甜鹹平衡得好好⚖️。呢個川味糖醋里脊值得推薦。
*🥬 清炒萵筍絲*
再嚟嗌咗個清炒萵筍絲。清爽可口💚非常適合作為川菜枱面嘅蔬菜🥗。萵筍絲整得幾脆嫩，加埋蒜蓉爆炒，我覺得有超越咗「家的味道」咁出色，如果再加多啲蒜蓉就仲正🤪。
*🐟 酸菜魚（生魚）配紅薯粉🍠+寬粉🍜*
到今日嘅戲肉喇！唔係講笑，啲魚片好鮮🌊，魚肉非常嫩滑，一啲都唔腥。而湯底都好正，湯汁酸辣香濃，味道上我覺得比起出面一啲連鎖店還要好，可能係因為佢哋嘅酸菜幾出色，酸度啱啱好。而紅薯粉同寬粉掛到啲湯汁，椒麻微辣🥵🤤，口感軟彈滑捋捋，真係超正超滿足😌。
*🍮 桂花冰粉*
最後講下甜品桂花冰粉🍧，呢個甜品真係勁正！冰粉嘅口感冰涼清新，配合埋桂花🌸同杞子嘅香味，非常解膩❄️，好啱食完熱辣辣嘅酸菜魚食。
張貼
