影片
更多
2022-03-10
1870 瀏覽
今日約左朋友黎到佢推介嘅一間台式餐廳“吃什麼”食飯，因為大家都遲到嘅關係，黎到門口已經係下午茶時間，但入面依然坐得幾滿，等左大約5分鐘先入座，睇黎呢間食店真係幾受歡迎。店內嘅環境比較擠逼，我地三個人分到一張小方枱，好在櫈底配有小筲箕畀我地擺背囊。同一般台式食店一樣，用點心紙點野食，所有食物飲品都係單點，冇套餐。野食黎到一半，影張大合照先。1. 滷味拼盤拼盤有滷水蛋、海帶同豆腐，個人對呢種涼伴麻麻，味道普通，同埋唔抵食。2. 黑椒蒜味毛豆我本身對毛豆普普通通，但呢道畀到一d驚喜我，通常食毛豆都係食粒豆，而呢道嘅黑椒同蒜味好入味，令我會啜多幾啖豆皮。3. 小雞肉飯（小碗）食左幾啖先記得補相，雞肉嫩、唔鞋口，配埋酸菜一齊食，唔會覺得淡茂茂，份量適中，唔會太少，適合胃小嘅人食。4. 外省牛肉麵（牛肋）同朋友些牙嘅主食之一，好好食嘅牛肉麵，配蕃茄湯，麵條好彈牙、好有咬口；牛肋大大舊，炆得又夠淋，索有湯汁，配搭起黎好好味；除左食麵同牛肋，我地仲飲埋d茄湯，真正嘅全碗清。5. 外省牛肉麵（半筯半肉）第二個牛肉麵，配原味牛腩湯，用料都係咁大舊，牛腩都係炆得好淋，索晒d湯汁，好入味；牛筯有咬口得黎唔會太
店內嘅環境比較擠逼，我地三個人分到一張小方枱，好在櫈底配有小筲箕畀我地擺背囊。
同一般台式食店一樣，用點心紙點野食，所有食物飲品都係單點，冇套餐。
野食黎到一半，影張大合照先。
1. 滷味拼盤
滷味拼盤
$48
57 瀏覽
0 讚好
0 留言
拼盤有滷水蛋、海帶同豆腐，個人對呢種涼伴麻麻，味道普通，同埋唔抵食。
2. 黑椒蒜味毛豆
黑椒蒜味毛豆
$52
36 瀏覽
0 讚好
0 留言
我本身對毛豆普普通通，但呢道畀到一d驚喜我，通常食毛豆都係食粒豆，而呢道嘅黑椒同蒜味好入味，令我會啜多幾啖豆皮。
3. 小雞肉飯（小碗）
小雞肉飯（小碗）
$32
63 瀏覽
0 讚好
0 留言
食左幾啖先記得補相，雞肉嫩、唔鞋口，配埋酸菜一齊食，唔會覺得淡茂茂，份量適中，唔會太少，適合胃小嘅人食。
4. 外省牛肉麵（牛肋）
外省牛肉麵（牛肋）
$85
56 瀏覽
0 讚好
0 留言
同朋友些牙嘅主食之一，好好食嘅牛肉麵，配蕃茄湯，麵條好彈牙、好有咬口；牛肋大大舊，炆得又夠淋，索有湯汁，配搭起黎好好味；除左食麵同牛肋，我地仲飲埋d茄湯，真正嘅全碗清。
5. 外省牛肉麵（半筯半肉）
外省牛肉麵（半筯半肉）
$89
43 瀏覽
0 讚好
0 留言
第二個牛肉麵，配原味牛腩湯，用料都係咁大舊，牛腩都係炆得好淋，索晒d湯汁，好入味；牛筯有咬口得黎唔會太靭。
6. 櫻花蝦高麗菜
櫻花蝦高麗菜
$70
38 瀏覽
0 讚好
0 留言
櫻花蝦乾放落高麗菜一齊炒，高麗菜炒得好爽，冇乜特別。
7. 木魚花蛋餅
木魚花蛋餅
$45
39 瀏覽
0 讚好
0 留言
超好食嘅蛋餅，蛋餅上審上燒汁、沙律醬同木魚花，加上蛋餅餡料有青瓜、蟹柳等，口感同味道好豐富。
8. 九層塔菜脯蛋
九層塔菜脯蛋
$62
45 瀏覽
0 讚好
0 留言
最後一道九層塔菜脯蛋，九層塔嘅味道好突出，加上菜脯蛋煎得有鑊氣，唔會令人覺得淡茂茂，十分推介。
埋單每人180蚊免加一，除左環境有d逼之外，整體上都冇乜野彈，雖然唔係話道道菜都好出色，但味道質素冇令人失望，有d菜係幾抵食，有d就貴左少少，我覺得都幾啱香港人口味，所以都推介大家黎食。
張貼
