The News Room Diner (已結業)

依間鰂魚涌區出名嘅餐廳其實想試好耐，但由於價錢偏貴，一直都冇試到。今次佢推出團購，見價錢都幾合理，就買來試一試！入到餐廳，這個感覺係，嘈！當時有啲懷疑我哋可以點樣支撐整餐飯。至於食物，我哋有以下嘅評價。沙律嘅份量都幾多，味道唔錯，有好濃郁嘅芝士味，煙三文魚都幾新鮮。個湯同我地想像嘅有好大嘅分別，感覺係平日雜豆中嘅青豆磨蓉然後加水，我哋只好當水咁飲。本身以為佢會比較creamy。個魚唔夠新鮮，食落有啲腥。反而作為配菜嘅薯仔更為好味。叫左五成熟嘅肉眼扒，但有啲過熟。無咩牛香，肉質亦無彈性，只屬一般水準。又係薯條反而更好食。甜品有驚喜！mousse cake 有濃郁嘅朱古力味，而且density較高，感受到佢慢慢係口腔溶化。整體黎講，環境太嘈，食物質素一般，不值再去。