C DESSERT

營業中

休息中

灣仔嘢食不嬲都多。連週末都排晒長龍嘅甜品店聰嫂C Dessert 咩咁特別啊？等我哋試吓先。士多啤梨椰果西米冰-士多啤梨雪酪，溫度剛好，唔會太容唔會太硬。椰果同西米都係超美味新鮮；可能係自家製品。榴槤黑糯米-多多嘅榴槤肉，加雲呢拿雪糕，加黑糯米，再加上西米。黑糯米微甜，糊糊哋中間有粒粒煙韌口感嘅黑糯米，好好食架。布蕾醬焦糖脆脆雪糕窩夫-呢度講嘅窩夫係牛角包，加窩夫混合體變成Croffle。食落去有牛角包嘅千層感覺。冇咗牛角包嘅脆感卻換來多層薄餅crepe感。滲入了雲呢拿雪糕加上甜嘅窩夫味。仲加埋西式甜品嘅布蕾醬再加幾塊甜飛機餅乾；超正。杞子圓肉雪蓮子燉桃膠-實際藥用不在此題。龍眼肉，杞子，雪蓮子都奪目美味。桃膠啫喱搬的。用了十足，且多同新鮮。食完之後好舒服。連同伴唔鍾意食熱嘢都覺得可以食多啲呢類食物。總括：佢哋被獲選為大众点评2023年人氣之處，所以超多遊客嚟呢度。咁多人都保持到水準。好嘢。