百份百餐廳 (藍灣廣場) (已結業)

去完donki ，好鬼死攰，好想食辣野，經過門口見到百分百竟然有口水雞，仲要套餐裡面包括有一大煲燉湯。全個餐都係 $70 ,好啦，就試下D雞得唔得先。不過餐廳D服務真係一般，坐低左好耐都無人理，叫人落單，行過都好似睇唔到咁，等左好耐終於有人過黎，不過係執隔離張枱，過左好耐先叫到野食。都唔理咁多，最緊要D野好食，個餐一黎到，飲左啖湯先，估唔到個湯好清甜，裡面係有雪梨，猴頭菇，煲湯骨，所以好清潤，好啱呢個餐。因為口水雞都係偏濃味，有個湯滋潤下都唔錯。不過個雞就一般啦，其實個味係唔差既，但係D雞好嚡，每一啖都要趙好耐，牙都軟埋下次都係去D專門既餐廳食雞好D。