金裝燉奶佬餐廳 (已結業)

同同事再戰燉奶佬。今次入去食。我地四個人分左三個餐。大家同我既感覺一樣，因為好夠位，而且唔會吊腳，所以覺得坐得好舒服。　香芧豬扒飯配春卷：同事有少少奇怪香芧豬扒只可以配豉油或黑椒汁，因為佢心想係用魚露。不過佢話個豬扒真係炸得唔錯，唔油而且好鬆軟，配左豉油都唔覺得咸。春卷就ok啦。　粟米蘑菇斑球飯：飯同餸分開上，感覺好健康。粟米蘑菇汁係忌廉底，不過一D都唔溜，而且味道唔會太濃。　斑球冇骨我最啱，其實大家都話好食。　鹿兒島豬軟骨撈米線配雞翼：好清，唔咸，豬軟骨好啉，雞翼完全唔油。坐係到食係好食過叫外賣既。