麻布茶房 (已結業)

去過幾次麻布茶房，每一次都唔好食而且唔係平，所以小弟經常想避去依間餐廳，奈何每一次都總係唔知點解又去左。是夜又再案發重演，壽星女話不如去麻布...唉，又再難逃一劫。等左大約十多分鐘吧，企門口的姐姐都非常有禮貌，不停同我地講唔好意思，話有枱客已經埋緊單，一時又畀茶我地飲，我地仲聽到佢叫入面D同事趕個枱埋左單既客走，哈哈。因為之前食左野的關係，大家來到本來係諗住食甜品，而且根據以往既經驗依度既甜品比咸野好...但因為我同埋A小姐同O先生未食飽，最後都抵受唔住誘惑，叫左個咖哩牛柳蛋包飯。我仲同海獅share多個綠茶雪糕熱球。綠茶雪糕熱球︰所謂熱球（英文係hot ball，畀佢吹漲），其實係一個puff，入面係D煙煙韌韌，好似芝麻味的麻糬咁既野。侍應姐姐話係外熱內冷，但其實內外都係暖暖地。係就係幾特別，不過唔係話好好食，對佢印象都唔太深。咖哩牛柳蛋包飯︰來之前真係又期待又驚。期待係因為肚餓想快D食，驚係因為驚唔好食同埋好似今晚已經食左好多野。麻布的食物一向都唔好食賣相都呃得下人，今次亦都唔例外，睇落去的確幾靚幾吸引的，食落...非常的淡呢...。咖哩冇味，牛柳都好似煲過湯來冇味道的。蛋都仲滑滑