影片
更多
2008-07-18
整天困在辦公室裡，已經急不及待放lunch出去鬆一口氣。據說Rosé Home Kitchen食物不錯，而且有著俊男美女，男仔女仔朋友都可能壓力太大了，大家都好開心咁話來這裡讓個口同隻眼「歇一歇」。我先去拎位，地方原來好細，只有5張枱。因為其他枱都畀人book左，只好坐係最近門口個張，冷氣冇咁大，有少少熱不過都OK。等緊慢吞吞既朋友來時，周圍望下，裝修好簡單，好住家，好多貓貓相，畀人好親切既感覺，係灣仔鬧市中一點清泉。年輕的女服務員臉帶陽光的笑容咁遞上餐牌（不過之前食評提及的靚仔似乎今日冇返，女仔朋友們失望了)。噢，係office對住OL姨姨同嬸嬸太多了，來到依度真係耳目一新，心情愉快左。再望一望餐牌，係手寫架，可愛既字體加上裝糖既樽上面既「i'm糖」都令我對依間小店既親切感同好感增加唔少。落單係自己寫自助落單紙的，都幾得意。黑醋蘋果沙律生菜不是特別新鮮，就咁加黑醋麻麻地，加返D芝士應該會好少少。蘋果就好甜紅酒鴨胸配薯角($46)先前睇到食友既評語，話意粉麻麻地，但鴨胸唔錯，咁就穩陣起見要左個依個啦。好大塊的鴨胸呀! 一來到就知道自己冇揀錯! 皮係微脆的，咬落去有少少油，好香呀! 個汁
黑醋蘋果沙律
生菜不是特別新鮮，就咁加黑醋麻麻地，加返D芝士應該會好少少。蘋果就好甜
紅酒鴨胸配薯角($46)
先前睇到食友既評語，話意粉麻麻地，但鴨胸唔錯，咁就穩陣起見要左個依個啦。好大塊的鴨胸呀! 一來到就知道自己冇揀錯! 皮係微脆的，咬落去有少少油，好香呀! 個汁酸酸既味令到個鴨冇咁「漏」，但就好似太多油。望真D個鴨胸個底都「介」開左等佢熱得快D。$46真係好抵。個薯角就冇咩特別啦，脆D會好D，仲有攤晒係度既幾條青椒同一「忽」蕃茄，有D HEA...不過有鴨胸都算心滿意足，唔緊要啦，只係唔係太飽，如果跟個飯/意粉或多D薯仔會好D。
飲野要左個熱朱古力，加$3。除朱古力外，仲有各式花茶同好多好「特別」既特飲=.=。 熱朱古力好細杯，唔夠濃同香，不過畫上去既ROSE好有心思~ 食完後大家唔夠喉，就問佢有冇薰衣草蜂蜜蛋糕(+$15)。好彩有，叫了一件大家share。薰衣草味道好香甜，唔會好假。隔離pat cream都好滑唔太甜。起初覺得個蛋糕有D太實，不過其實咁樣應該比軟身好，因為食到一粒一粒，口感好D。好滿意的蛋糕!
好彩之前有睇食評，識得叫鴨胸同薰衣草蛋糕。有兩個朋友叫左意粉，都話味道怪怪地，唔太好。而「炸魚柳意粉」中既炸魚柳直情好似係M記個魚柳包偷返來咁...好在睇左OR，令我有好滿意的一餐，如果唔係今次都未必有笑臉! 已經試過個鴨胸啦，下次淨係來食cake同飲野先!
唉，又要返去對住嬸嬸啦!
張貼
