1523 釗級廚房 (已結業)

如題叫左份晚市特價肉眼扒$99.9 + $20 跟餐有湯有蒜蓉包加熱飲 連加一 $132我揀左5成熟，出到來賣相其實唔差。但係一切落去就feel到鬆肉粉嘅威力，食落直頭係山竹牛肉嘅質地，連味道都係。本住唔浪費先食埋佢，直頭影響心情😒個湯係冬菇忌廉湯。你冇睇錯我冇打錯，係冬菇，唔係蘑菇。不過其實個菇味係出好多，但係都幾多渣。蒜蓉包係蒜蓉醬搽四分一塊方包，咪咁囉。我本身都幾鍾意食牛扒，所以比重啲weighting。咁樣評分吓，我唔推薦呢間餐廳。$132 呢個價錢 其實唔係特別平，從消費者角度，大家樂鐵板餐都係$60-70 都係跟湯跟嘢飲。呢間係double價錢。