羲和小館 (已結業)

間中都有幫襯呢間食肆，以前食品各方面都唔錯而且職員非常專業及會講解各款食物名稱及安排由頭盤開始順序上，今次中午同家人叫咗一個兩個自選套餐一個六人及一個兩人，點知一開始就上一隻片皮鴨先，跟住全程無交代就鍾意上乜就乜無哂次序，全部短時間嚟哂枱面擺都唔夠擺，因為兩個餐共有三十二様嘢食及隻半片皮鴨，你話點擺兼唔知食邊様，啲嘢凍哂嘢又點會好食呢！當時仍未客滿，職員叫都唔睬喺度傾計你唔問佢佢都唔問你飲乜餐飲，好地地一間餐廳搞成咁真係可惜。