匠一麵屋 (已結業)

夜晚同朋友去食晚飯，心血來潮想食拉麵，我地去左長沙灣一間拉麵店，入面好有日本既感覺。呢度有5款麵，另外可以自己再加配菜，亦都炒飯同埋小食。我地分別叫左拉麵同埋沾麵。拉麵就揀左一番叉燒拉麵，入面有六塊叉燒同埋一隻溏心蛋，個湯底好濃郁，麵既質感亦都好好！沾麵就得一款，就係沾麵匠豚肉濃湯。呢個沾麵係我既大愛啊，佢既湯底比拉麵既湯底更濃，而且有好香既柴魚味，麵就彈牙爽口。我地仲叫左4隻餃子，佢地有層薄脆痴埋一齊，好得意。