Etna (已結業)

太耐無出去食飯，好想好好地坐低同朋友飲嘢傾偈食飯，朋友介紹天后呢間餐廳，價錢合理，仲有戶外位置，飲酒買一送一，就算唔飲酒幾十蚊一大jar 嘢飲有排傾。前菜點左蝦配青瓜，食落酸酸甜甜，好開胃。另一款前菜係吞拿魚他他配埋桃同青瓜一齊食，多重口感，不過橄欖油略多左少少，好彩橄欖油唔太肥都可以接受。主菜鵝肝意大利飯，好好味，鵝肝煎得好香脆而且一d都唔溜，意大利飯軟硬度適中，蘑菇味好香，真心好味。煎爐魚最大技巧一定要煎到塊皮夠脆，呢度做得好好，皮脆魚肉淋，意大利飯配魚食最適合，唔會好飽肚好滯，但好滿足。最後來個甜品tirimisu，好滑好香好好味，食足3個鐘飲飽食醉，非常開心的一晚。