新越越式料理 (已搬遷) 新店位置

最近成日有機會在九龍城區出沒，周圍搵啲小店試吓。我朋友一人叫咗一碗生牛肉湯河，有讚有彈、好壞參半。首先要讚下，店員俾咗兜金不換同青檸我哋，咁樣嘅做法好正宗，唔係每一間越南餐廳都會咁做，而我都好開心咁將全部金不換放晒落我碗湯河度。另外，佢嘅牛肉河入面有好多芽菜、生洋蔥絲、炸乾蔥、碎蔥、好啱我口味。仲有，河粉都幾滑下，值得加分。 除此之外，都要讚下呢間餐廳嘅環境。裝修用色主要係白色同淺灰色，舒服簡潔。餐枱夠大張，坐得舒服。不過，今餐飯最需要彈嘅，就係佢嘅牛肉湯冇乜牛肉/牛骨味，仲要非常鹹。我認為，一碗牛肉湯河嘅靈魂就係湯度，佢個湯做得唔好，下次真係唔使再來幫襯。