影片
更多
2019-10-02
2122 瀏覽
今日嚟到呢間叫真味鮮廚嘅茶樓同屋企人飲茶，其實呢度已經變咗做家庭聚會嘅落腳點，前身係海港但唔知點解而家轉左名，d野亦唔同左d...好壞參半福建炒飯！呢個福建炒飯真係夠晒多料！入面有冬菇，瑤柱粒，蘿蔔，西芹同埋鮮蝦，個飯炒底陪感香口，而且飯粒分明同埋夠乾身，到埋落個獻一齊食唔會太濕身👍🏻充斥着香濃嘅鮮冬菇味，不過瑤柱粒醉上會更好，同埋個人唔鍾意食西芹，少咗啲西芹就Perfect喇！豉汁蒸鳳爪呢個就比較麻麻哋，鳳爪唔會係新鮮就係人都知，不過呢個就比較重”雪藏味”，同埋可能整得唔夠耐啲肉好難脫骨，個豉汁就做得幾好嘅，唔會太咸亦唔會太稀唔會太杰剛剛好！燒雞啊！呢隻燒雞冇得頂，做到皮脆肉嫩，而且雞皮好薄，咬落好Crispy！最鍾意食香口野😝啲肉滑脫脫而且仲保留到雞汁一啲都唔乾身啵，同埋呢隻雞肥瘦適中，唔會食到成口都係雞油，燒雞配福建炒飯，正啊！呢個鳳爪排骨飯叫咗成粒鐘先來，飯粒比較硬同乾，排骨就真係好多骨，唔係骨就係肥膏，嗰隻鳳爪就得半隻，其實你俾一隻我都唔會好蝕本姐😅所以呢個不予置評，味道一般。鹹水角一份四粒，即叫即炸脆卜卜，外皮脆內皮煙韌，不過個餡就臭臭地，好似變壞左嘅肉咁，佢以前整得好好食
福建炒飯！呢個福建炒飯真係夠晒多料！入面有冬菇，瑤柱粒，蘿蔔，西芹同埋鮮蝦，個飯炒底陪感香口，而且飯粒分明同埋夠乾身，到埋落個獻一齊食唔會太濕身👍🏻充斥着香濃嘅鮮冬菇味，不過瑤柱粒醉上會更好，同埋個人唔鍾意食西芹，少咗啲西芹就Perfect喇！
豉汁蒸鳳爪呢個就比較麻麻哋，鳳爪唔會係新鮮就係人都知，不過呢個就比較重”雪藏味”，同埋可能整得唔夠耐啲肉好難脫骨，個豉汁就做得幾好嘅，唔會太咸亦唔會太稀唔會太杰剛剛好！
燒雞啊！呢隻燒雞冇得頂，做到皮脆肉嫩，而且雞皮好薄，咬落好Crispy！最鍾意食香口野😝啲肉滑脫脫而且仲保留到雞汁一啲都唔乾身啵，同埋呢隻雞肥瘦適中，唔會食到成口都係雞油，燒雞配福建炒飯，正啊！
呢個鳳爪排骨飯叫咗成粒鐘先來，飯粒比較硬同乾，排骨就真係好多骨，唔係骨就係肥膏，嗰隻鳳爪就得半隻，其實你俾一隻我都唔會好蝕本姐😅所以呢個不予置評，味道一般。
鹹水角一份四粒，即叫即炸脆卜卜，外皮脆內皮煙韌，不過個餡就臭臭地，好似變壞左嘅肉咁，佢以前整得好好食，雖然依家唔係叫難食既，不過就唔知點解多咗浸怪味。
炸兩係飲茶必點嘅，我哋腸粉好滑，不過油炸鬼就炸得太乾身好硬，破壞左成個口感，硬到戒捐咗個口😕
叉燒包好好食，包皮好香米酒味又夠軟熟，但係叉燒切得比較細粒，口感差啲，不過味道適中，其他茶樓嘅叉燒包勁多叉燒醬，佢就啱啱好唔會擺入口就成pat野醬住把口咁。
黑椒牛仔骨，都係肥膏比較多，雖然屬於骨位但係啲肉都好韌好難咬開，黑椒味好濃，衰在肥膏多完全唔想食。
張貼
