自家烏冬 (已結業)

同朋友係尖東行完街，朋友提議去自家烏冬，本來都反對，不過大比數通過反對無效。自問對烏冬麻麻，而且湯底唔係豬骨湯底，興趣又減一些。叫左個炸豬扒烏冬，個湯唔叫好飲，但烏冬好滑，附近的蘿蔔好大片同埋好甜，豬扒就不過不失，味道還可以。有朋友叫左個芝士焗廣島蠔，成三十多元，不過朋友食完覺得好味，就叫一碟試下，食落果然十分唔錯，貴就貴左小小，但都ok。最大問題係可能我地好夜先去，埋單好似好趕咁，侍應態度又好冰冷，叫加水都要等一陣先有。因為加左碟焗蠔，埋單食左我成八十蚊，但淨係豬扒烏冬都40幾，我覺得唔係好抵。如非必要，我唔會再幫襯住，除非湯底有其他選擇。不過有一點係~~~環境相當唔錯，如果一班十幾人，真係可以霸成間房仔，我地就係咁樣傾左成個鐘計，呢樣加返分。