澳門仔火鍋串燒專門店 (已結業)

澳門仔啱啱響油麻地開左分店，見佢派宣傳單張，於是去食下佢個下午茶好唔好先決定去唔去試佢晚飯！二點半入去坐低先知佢三點先有下午茶，唔怪知得，得一兩台客，午餐、常餐都四五十元一個，同一條街嚟講佢如果要做午市下午荼，如果佢唔改啲時間同價錢我諗佢幾難做，我點左"常餐"$45,裡面有泰式酸辣湯檬+蝦多士+熱奶茶，奶茶正常味道，湯檬有豬扒、雞扒、雞翼、牛仔骨可以選，但我見佢澳門嘢又有豬扒包，所以我選了豬扒以為冇死啦！點知係錯嘅，豬扒不論係味道同肉質鬆軟程度完全冇水準，成個餐唯一可取嘅係佢個蝦多士，可能响同區嘅茶餐廳比較難有，我唔知佢晚飯火鍋可以做到幾有水準，但我諗我未必有機會去試！