抹茶館 (已結業)

星期日6點零黎到，排左半個幾鐘終於到，見到有好多款豚肉飯，最後叫左個燒汁沙律醬豬肉飯，本身無咩胃口，但呢個醬汁好開胃，個汁係有啲偏甜既，連埋啲肉都幾juicy, 隔離有堆沙律，有pat酸酸地既醬，可以中和下，不過個人喜歡分開放，因為啲菜太多撈唔到個飯不過同場男朋友仔食到變晒樣，佢叫左個滑蛋豬扒飯，果然係好難食，唔好講係滑蛋，係熟蛋先岩，啲豬扒層皮淋既，塊肉仲要係無咩味，好似食柴咁堅係差加錢叫左個餃子雞翼，好似四十幾蚊，好普通，味道有點淡，唔值呢個價曲奇朱古力抹茶，茶都幾濃，但pat cream 感覺好heavy, 唔係好岩我口味