宜家家居餐廳及咖啡室

營業中

休息中

可能今個星期六日有地鐵嘅優惠，超級多人係沙田區啊！今晚我哋兩個要睇傢俬，所以順便嚟宜家傢俬度食晚餐。入到去已經排晒長龍啦，我哋一個負責排隊買嘢食，一個負責搵位, 好不容易先搵到兩個位。每次來到，都會例牌叫肉丸薯蓉。仲有我哋叫左蔬菜薯餅。今次試咗一份新嘅嘢，好似叫做串燒蝦扁意粉。冇諗過一份會有咁多粒蝦，好似大約有10粒，都好爽口彈牙。扁意粉同埋忌廉汁都配合得好好。如果d菇唔係咁咸我會俾食個粉好高分。另外，今晚真係多人，聽到有人為咗霸位而罵。下次都係避免星期日夜晚喺度食飯啦。