半島漁港/阿翁火鍋館

營業中

休息中

天水圍呢間酒樓一向好多人排隊，今次就試吓好唔好食。等咗大概半個鐘左右，就入座。張籌有寫明要搭枱，好彩咁岩係四人枱，不用同人搭枱入邊地方好大，唔怪之得去流量咁快啦。唔知係唔係因為新年關係，樓面職員特別殷勤，個個都笑容滿面。點心都唔平，大致上都好食嘅，有酒樓應有嘅水準。煎釀茄子煎到脹卜卜。豬手夠味。蝦餃大大粒，內裏好多蝦。魷魚亦都好入味。不過佢個鹹薄餐就好奇怪，入邊已經冇乜料，啲顏色好沉，亦都好厚粉。淨係可以食到佢條邊，中間完全食唔到，因為太厚粉。芒果布甸就落得太多魚膠粉，味道都可以，不過好實。