菓甜品 (已結業)

因為今晚係尖沙咀附近行街，口淡淡想揾啲嘢食吓，就簡咗就近嘅呢間甜品店。未到飯後甜品嘅繁忙時段，人唔多，店內燈光好好，可以靜靜望下街景。一打開 menu 真係花多眼亂，於是簡咗幾款。中西港式都有。首先係櫻花水信玄餅，之前成日聽，但食都係第一次。望落去好靚好通透，粉色櫻花喺半圓透明入面，食落去口感好滑，配上糖漿嘅微甜，好好食。咁靚嘅甜品真係打卡必點。之後呢個係 桂花白酒燉雪梨。雪梨燉到好淋身好清甜，有淡淡酒香。而佢附近嘅桂花糕味嘅粉條好彈牙，桂花味好濃。之後係呢個楊枝金露，芒果同柚子粒夠甜已經唔洗講啦，而且都幾大碗。而呢個香蕉金莎朱古力窩夫係超大份，食完之後今晚好晏先食得落晚餐。佢窩夫烘得外脆內軟，樁子醬、水果、雪糕等等嘅配料絕不手軟。一個份量相信四個share食都可以最後係呢個，薄荷西瓜梳打。個人感覺上薄荷味重啲，西瓜相對上就比較淡，但用嚟解渴都唔錯的。其實仲有好多款都好想食，但真係太飽，下次一定會再嚟食埋其他款。尤其有個燒粟米外形嘅芝士蛋糕，見到隔離枱切開嗰吓，真係覺得好特別！！總結嚟講，係一間位置方便而又出色嘅甜品店呢。