影片
更多
2020-10-20
1983 瀏覽
聽過好多次啲人話川龍街盡頭有一間自助茶樓好正喺我認知當中 川龍街喺荃灣所以我一直以為傳說中既川龍茶居係喺荃灣跟住google map既導航 先知原來目的地係大帽山到達既一刻 我先知佢個名唔係川龍茶居( ´▽｀)茶樓前面 甚至係大路去茶樓沿路全部都泊滿哂車 都好多等位泊既車唔講以為係自由行熱點但又基本上所有人都講廣東話茶樓分兩棟 有一棟有兩層 分室內室外 另一棟係一間四方形既二三百呎冷氣房我地好彩 等唔夠兩分鐘就坐低左但真係全部都係人 流動性好強每幾分鐘就有人走 然後隔離等既就立即坐低終於坐低左 聽講呢道咩都係自己黎但原來茶都自己開真係估唔到行返去另一棟拎茶限聚令 所以係四個人 開左兩壺茶 普洱個量最少 可能係最好飲？但同行者唔啱飲 所以兩壺都開左香片飲落好腥 但真係好香對茶既熟悉度唔高 唔知咁係好定唔好同一棟 行過隔離房 啲姐姐好忙 不停出爐放啲野出黎 啲人又不停拎啲野走冇得即叫即蒸 但蒸得既都好快冇哂影相嗰輪係巨型蘿蔔糕 粉果行返出黎就係拎炸物既地方影嗰陣都仲有好多野食 春卷啊咸水角啊之類有埋較剪 各種汁料喺附近一啲都唔污糟又唔係整到周圍都係( ´▽｀)感覺良好咁基本上大家都係拎住個
喺我認知當中 川龍街喺荃灣
所以我一直以為傳說中既川龍茶居係喺荃灣
跟住google map既導航 先知原來目的地係大帽山
到達既一刻 我先知佢個名唔係川龍茶居( ´▽｀)
茶樓前面 甚至係大路去茶樓沿路
全部都泊滿哂車 都好多等位泊既車
唔講以為係自由行熱點
但又基本上所有人都講廣東話
茶樓分兩棟 有一棟有兩層 分室內室外
另一棟係一間四方形既二三百呎冷氣房
我地好彩 等唔夠兩分鐘就坐低左
但真係全部都係人 流動性好強
每幾分鐘就有人走 然後隔離等既就立即坐低
終於坐低左 聽講呢道咩都係自己黎
但原來茶都自己開真係估唔到
行返去另一棟拎茶
限聚令 所以係四個人 開左兩壺茶
普洱個量最少 可能係最好飲？
但同行者唔啱飲 所以兩壺都開左香片
飲落好腥 但真係好香
對茶既熟悉度唔高 唔知咁係好定唔好
同一棟 行過隔離房
啲姐姐好忙 不停出爐放啲野出黎
啲人又不停拎啲野走
冇得即叫即蒸 但蒸得既都好快冇哂
影相嗰輪係巨型蘿蔔糕 粉果
行返出黎就係拎炸物既地方
影嗰陣都仲有好多野食 春卷啊咸水角啊之類
有埋較剪 各種汁料喺附近
一啲都唔污糟又唔係整到周圍都係( ´▽｀)
感覺良好
咁基本上大家都係拎住個tray見到食物就拎
啲姐見到我地 仲幫我拎走鳳爪個蒸籠 方便我地
第一次黎 唔係好識做返個繁忙既香港人
每碟腸粉打開蓋慢慢揀
姐姐見我選擇困難 講句 拎蝦腸啦平日冇 同價啊
所以我拎左蝦腸( ´▽｀)
附近既人聽到 所以都拎左碟
馬拉糕係中間搽左奶黃 搶得好快 唔執輸又拎
我指住橙色問友人係咩 姐姐立即答左我xx
見我都係r哂頭咁既樣就補多句 茶果既一種
炸物出面有張枱 等位嗰陣就見到有人喺道整茶果
到我食完想去影相又已經冇人包哈哈
其實仲拎左個皮蛋瘦 燒賣 魷魚 排骨
擺得一啲美感都冇( ´▽｀)
因為第一次黎 唔知佢係不停每樣野係咁出爐
所以燒賣拎左兩籠 春卷都三碟。。。
話說燒賣係好傳統既豬肉燒賣
唔係魚肉 而且一隻蝦都冇
不過一籠有四粒
排骨一粒花生或者一舊芋頭啊南瓜啊都冇( ´▽｀)
不過鳳爪同排骨都好多舊
個魷魚好好食 個味較得好 少少甜少少鹹
又一啲都唔似咬橡筋 易咬開
忽然聽到開咪 出爐燒肉 出爐茶果 鳳爪排骨飯
見啲人嗱嗱聲衝出去 我又跟埋去
茶果係豆沙味 一碟兩個
唔記得影就食左( ´▽｀)
好受在場人仕歡迎 應該係一開始我睇住包嗰啲
至於燒肉好鹹 又嚡。。唔識欣賞
叉燒係瘦叉 但又好好食 肉鬆軟得黎個味又正
起勢係咁夾黎食
聽人講呢道既西洋菜好好食
拎菜係要排隊拎 排至到你再講要咩菜
即刻淥比你( ´▽｀)
點知話西洋菜要十一月先有
原來菜係自己種既！ 所以唔係當造就冇啦
個油麥菜好好食！唔知係因為自己排隊拎定新鮮
個豉油都好好味！
食完幾輪 咁蝦餃呢？可能我地十二點先到
蝦餃應該一早走左幾轉。。
又見返個姐姐 星期六日先有豆腐花啊食左未啊
明明諗住埋單 點知佢講一講 好啦我又食啦！
豆腐花一啲都唔滑 不過好重豆味 同係暖既
係好有自家製既感覺( ´▽｀)
糖水同紅糖都自己落
連甜品都食完就真係埋單啦
埋單原來係搵個員工過黎
好似食迴轉壽司咁 佢即時數碗碟
一陣之後佢就話380！
我又一頭問號 連計數機都冇 數得咁快。。。？
好啦呢道都係個幾難得既體驗黎( ´▽｀)
感覺好有人情味但又好匆忙( ´▽｀)
張貼
