珍一料理 (榮高樓) (已結業)

佢地有1x款小食可以簡，當中大部分係川辣款式，啱哂愛辣人士。仲有幾款飯盒選擇，無論加餸、小食，定主食都可以呀。而且小食可以選擇三拼（$50）添，啱哂為食又貪心嘅我😍😍今次簡咗四喜烤麩、秘鹵豬爽肉、爽脆豬耳絲、辣鹵金錢肚、辣拌牛柏葉、腐竹同椒麻雞飯！四喜烤麩：大推薦驚喜之選！食落口感軟綿索哂鹵汁非常好食😋秘鹵豬爽肉：唔算好辣，正常唔差嘅🐖爽脆豬耳絲：比較辣少少，而且豬耳爽脆長身，小食一流辣鹵金錢肚：偏辣，味道唔錯辣拌牛柏葉：都係偏辣，味道唔差🐂腐竹：正常腐竹不過不失椒麻雞飯：雞肉好好食，係鹵水加麻辣汁，非常惹味，而且雞肉份量多，男士食都夠飽總括食物味道佳而且份量足，無論當小食買嚟加餸都值得一試！