韓讚 (已結業)

今日嚟到一間有好多打卡位的韓式餐廳「韓讚」位於銅鑼灣渣甸街66號Aura on Pennington 2樓，餐廳內裝修得滿佈星星吊燈，門口有一個影相位，仲一個情侶必做的鎖扣位，好似去咗首爾南山塔一樣，感到好有韓風。食物方面都是正宗韓式菜為主，必點食品為韓式芝士炸雞、海鮮豆腐湯 及三拼燒肉(豬肉、牛肉及雞肉拼盤)，這三款食品都係我係韓國必吃的。「韓式芝士炸雞」炸雞很乾身，唔會油泣泣，雞肉很滑，炸粉不算厚，加上拉絲芝士，十分惹味。「海鮮豆腐湯」配白飯一碗，我最愛湯撈飯，泡菜湯香濃，豆腐滑溜，滋味無比。「三拼燒肉」很豐富，份量都算多，燒肉夠入味，不需要點任何醬汁都可直接入口，味道很不錯。