橋底辣蟹 (雅閣大廈) (已結業)

估唔到做左三十年人終於食到正宗既避風塘炒蟹！放左工過海同朋友黎搵地方食飯見到門口咁多明星既相 ，就入左去食原本以為死啦一定好貴原來除左辣蟹貴小小之外，小炒都係正常價錢$88-128 都有～ 咁一大班人一齊SHARE都唔係話貴，同出去打個邊爐差不多價。餐牌上面有好多套牌，4人、 8人、12人餐。全部都包一隻蟹。 不過我都係想散叫，可以簡自己中意既野食嘛招牌辣蟹：好香，好新鮮，唔會梅，D肉仲係一絲絲咁個殼扑好左比我，幾貼心，亦都入味D，入面既肉都有GARLIC香！辣得好過癮，可以簡辣度，中意食辣既人一定要叫辣D～燒鵝：幾高水準，皮好香肉好嫩，有肉汁，唔好乾柴咁！辣酒煮螺：推介好入味好惹味，辣辣甜甜既汁。豉汁炒花甲：乾淨冇沙，粒粒都有肉唔會甩哂出來～好新鮮好有鑊氣咕嚕肉：炸得好香口，炸粉不會太多，個汁酸甜適中。西蘭花斑球：菜炒得唔會太老，斑球好嫩，調味岩岩好唔會太咸，好夾！總結黎講都好抵食！唔會你傳聞中貴到天價咁～其實都好平民化，只係大家傳黎傳去以為好貴。