甜記餃子

營業中

休息中

身邊啲朋友去完，都不約而同大推，話食完甜記，返唔到轉頭難得今日平日放假就去試試喇。一點半鐘左右，不用等位直入。佢餃方面，有成12款，可揀湯餃或煎餃。怕唔夠飽，佢仲有麵餐同小食選擇。今次叫咗湯餃，10隻餃子配蕃茄薯仔魚湯。試咗好多人大薦既粟米芝士雞肉餃，同比較少地放有既西洋菜豬肉餃。每一粒都皮薄爆餡，好大一隻。粟米芝士雞肉餃，芝士份量適中，食落芝士味好出，粟米粒清甜。另外西洋菜豬肉餃，冇澀味，值得一試，再配埋個蕃茄薯仔湯超夾，飲哂啲湯。仲有一定要試佢地個辣菜圃，夾埋餃子一齊食，真係好惹味。