Little Break Coffee & Kitchen (已結業)

天氣熱其實唔太想坐outdoor , 不過無位都無辦法。outdoor 檯兩張，都靚，不過對馬路，食塵而且有啲曬。店員好有禮貌，俾完menu 行返入舖都有留意我，ready 幫我落order , 幾貼心👍，點咗個和牛窩夫三文治98蚊，加12蚊配凍 mocha，賣相幾好，最上層係煙肉，再有酸瓜，跟住係芝士窩夫，中間係牛，再落去係蕃茄芝士窩夫，好豐富，旁邊有楓糖漿，窩夫微脆，如果可以做得脆啲會更理想, 份量唔細，所以好飽，配返酸瓜中和下幾好。雖然舖係收visa , 但原來under 300蚊係要收charge , 呢個單價仲要收加1真係估唔倒有呢個條件🙄，另外見倒open rice寫有得儲asia miles , 但最後又講咗好多條件先可儲倒，總之星期六朝早就無，所以好無奈😰。睇返張單原來憑收據去其他幾間店食有discount , 但不適用嘅日子竟然係2019年？而家2020年8月喎？？🤔overall 食物同服務係唔錯嘅，但好多嚴謹條件同細節令客人覺得好唔方便同好唔稱心🤐。