花見月 (已結業)

去科學園玩完肚餓，行到熱辣辣可以食埋先走唔使又出去同人迫， 呢間日本野星期六/日都開真係好估唔到呢到竟然都有刺身食真， 大熱天時好想食d凍野開開胃。 d魚生好厚，係腩位又叫左個鰻魚飯定食，跟個好大件嘅炸雞沙律， 鰻魚都好厚身值得一讚。不過如果定食跟埋個蒸蛋就更加prefect, 可惜要另外叫， 不過係幾滑。友人試左個"牛肉稻庭烏冬"我覺得可以改名做"超級肥牛稻庭烏冬", 因為d肥牛超大塊， 仲大塊過去食火煱個d 。另一佢仲有好多款串燒同埋幾款特選嘅日本啤酒，夾晒。