燒皇燒烤雞煲專門店

營業中

休息中

上水呢間雞煲串燒店，越夜就越多人。無他嘅，因為佢款式多，選擇多，而且價錢合理 ，仲開到凌晨兩點鐘，所以好多人嚟呢度食宵夜。 嚟到呢度梗係要食必點嘅椰子雞煲。真係唔係度度有咁清甜感可口嘅椰子雞煲食。雞肉，椰子肉分量足，已經可以夠兩個人食到半飽。因為太好味嘅關係我連個煲都唔記得影。湯底真係一流，非常非常清甜，淨係飲過湯都值回票價。 食完椰子雞煲，當然唔可以浪費佢個湯底。要叫呢碟頂級嘅安格斯肥牛，同埋非常新鮮嘅廣島蠔。睇相都令人食指大動啦！估唔到廣島蠔咁抵食，有成八隻咁多。一般日式火鍋根本唔會畀咁多。安格斯肥牛唔使講啦，一貫嘅濃郁牛香味，入口嫩滑口感一流。 呢碟尖椒真係辣到我流曬眼水。如果你唔係食得好辣嘅話建議大家都係唔好點，因為真係食到標曬汗，差啲連味覺都冇埋，好彩飲多兩罐嘢中和番，先有返啲口感。 呢度最特別嘅就係好多海鮮食。叫咗大眼雞，一碟有兩條，加埋佢個特色惹味醬，真係好好食好夾。雖然肉質係鞋咗啲，但係大眼雞嘅味道，真係好適合燒烤。 講到海鮮當然唔少得大蝦，大蝦雖然唔算平，但係口感彈牙，蒜蓉非常足料，咬落去陣陣嘅蒜蓉香 非常惹味。 其實佢仲有幾款海鮮揀，不過我就比較鍾情大扇貝，因為夠曬