一盅點心

營業中

休息中

聽講呢度係有全港最多燒賣種類嘅點心專門店，於是我同屋企人就去咗呢度食晚飯。🌕世一燒賣拼盤 $98原價$138嘅世一燒賣拼盤賣相壯觀，裡面有12款燒賣：鮑魚燒賣、懷舊燒賣皇、爆汁墨魚燒賣、梅菜扣肉燒賣、鶴鹑蛋燒賣、泡椒燒賣、乾蒸牛肉燒賣、花椒辣燒賣、蕃茄海鮮燒賣、芝士墨魚燒賣、芫荽馬蹄豬肉燒賣、麻辣牛肉燒賣。宜家仲有挑戰賽：只要食完30秒答啱6款「世一燒賣拼盤」裡面嘅燒賣名，就可以以半價$49 享用。🌕經典糯米雞 $36糯米雞餡料都足料，有雞翼、冬菇、雞肉、蛋黃等，三個人都夠分嚟食。🌕黑金流沙包 $35內餡奶黃味濃郁，甜度適中，賣相非常吸引。🌕甜蜜蜜叉燒腸 $29叉燒味道香甜，份量足夠，腸粉滑嫩。🌕雞骨草石斛墩瘦肉 $39用雞骨草和石斛熬製的湯有清熱功效，飲起嚟清甜，而且裡面仲有一隻雞腳添！🌕羊肚菌茶樹菇墩水鴨 $49好足料嘅湯，味道鮮美，有滋補嘅功效。