牛扒先生 (康怡廣場) (已結業)

今日兩公婆去太古城shopping，行咗6個鐘勁肚餓，於是就決定食半自助餐。.鍾意呢度嘅自助餐有餐湯、沙律、甜品。單係沙律就有十幾款，啱哂鍾意多菜少肉嘅人。甜品有生果、蛋糕、豆腐花、大菜糕、焗布甸，總共都有十幾款。主菜叫咗煙肉野菌扁意大利麵$208及迷迭香燒雞、煙燻醬烤豬肋排$235。雞脾部位肉嫩香滑，但雞胸部位肉質就略為鞋口。豬肋排肉質鬆軟可口，配上煙燻醬真係極之美味。意大利麵就略欠誠意，因為配料煙肉同野菌都好細粒及量少，但意粉汁嘅濃淡味就恰到好處。最後一定要食蛋糕，因為每款都係用心製作，有Lemon tart、Brownie、綠茶卷，平日屋企都唔會整到。