砵砵車仔麵 (已結業)

叫車仔麵個汁好重要，試左雲南酸辣汁，好開胃，鐘意佢多蒜， 有啲似泰式鳳爪嗰隻汁，點餸食一流，但送麵嘅話就差啲，感覺差左啲肉碎嘅香味！我總共叫咗四個餸最吸引嘅係辣汁豬肺， 軟軟嘅又冇腥味！ 白榨餃皮有啲厚煮得唔夠熟， 鮑汁蘿蔔好入味 ，超厚冬菇雖然厚同炆得夠淋， 不過無咩菇味！米粉口感煙煙靭靭， 好似細個阿媽成日煮早餐嗰隻東莞米粉！呢間車仔麵勝在款式多同啲餸好特別，而且份量足夠！