MEATS (已結業)

就好似餐廳名一樣，真係好多肉。今次係食 restaurant week 嘅 menu，對比起佢平時嘅 menu，選擇差唔多不過價錢平啲。對於鍾意食肉嘅男士，係不錯嘅選擇。不過對於兩個女生來講，份量實在太大👯‍♀️▫️🍲 Clam Chowder - 好濃郁嘅周打蜆湯，加入煙肉洋蔥碎，飲完個湯已經飽咗一半。亦都係我覺得最好味嘅。▫️🐓🍔🍟XL French Chicken Milanesa with Baked Sweet Potato and Meat Burger with French Fries - 炸雞脾排，果然係XL雞，個雞髀排好大塊，外脆內嫩。焗番薯我以為係一粒粒，點知係半個，加上 sour cream，唔錯。朋友嘅漢堡包十分大個，朋友話係正常發揮嘅漢堡包，飽到捧住個肚走。▫️🥧Coconut Lime Pie - 我嘅 lime pie 味道有啲怪，lime custard 太流質，個 pie 太硬身，只係食咗幾啖就放棄了。▫️🍫Chocolate Brownie - 試咗朋友嘅 brownie，朱古力味濃郁，唔會太乾又唔會太軟身，拼埋雪糕一齊食，正呀！