一鍋堂 (瓊華中心)

營業中

休息中

呢間火鍋店喺旺角、葵芳同荃灣都有分店，有成16款特色湯底，採用60斤豬骨新鮮熬製而成，另有素食友善款色選擇。晚市放題有三個套餐，無限任飲任食超過100款配料，千祈唔好錯過！私心推介C套餐，俾多少少錢就可以任食日本黑毛和牛同極上安格斯牛小排，和牛入口即化，肉味香濃，食多幾碟已經回本～ 值得一提嘅係呢度嘅肉類款式好特別，魚釀烏雞片/羊肉片、羊卷肉、腐乳撈羊柳、壽喜燒黑豚肉、五香鹵水千層肉、麻辣撈雞柳等，幫你醃好晒，可以一試。手工材料亦有唔少款色，滑類、丸子、餃子，口味眾多，有辣有唔辣，影響深刻嘅包括梅菜豬肉餃、醬爆瀨尿牛丸、櫻花蝦紫菜豬肉丸、孜然雞肉丸，皮薄餡靚，咬落彈牙，吸飽湯汁，全部自家製，真係好有heart，出邊都係批發多，所以都唔點食，有驚喜。海鮮類有蝦、魚、貝殼類，正常發揮，蔬菜用QR code落單，亦有啲放咗喺自助區，新鮮，鮮甜，唔會hea你。出面有前菜、熟食、火鍋配料、飯麵、生果、飲品同雪糕，一定要食呢度嘅豬手，炆得夠腍而且好入味，炸魚皮、雞、午餐肉都唔錯，酥脆可口、前菜冰涼幾開胃，生果夠甜，配埋自家製飲品，讚。