Uncle Pizza, Pasta & Grill (已結業)

由中環用自動行人電梯好容易就去到呢間餐廳，入面嘅面積唔大，可能因為喺蘇豪區，個餐牌只有英文，冇中文，坐低叫左個薄餅，喺由四種唔同芝士做成嘅薄餅，有藍芝士丶車打芝士丶水牛芝士同埋羊奶芝士，一於要過足口癮，等左大概十五至二十分鐘個薄餅就上枱，好香嘅芝士味，即刻攞左一件放入口，啲芝士多到不得了，咬一啖之後拉開件薄餅成呎遠，嗰啲芝士拉成嘅芝士絲都未斷開，好玩又過癮，最好食喺佢個芝士餅底，食落去好似食緊餅乾咁，唔似出面好多餐廳食薄餅好似食緊麵包咁。