影片
更多
2009-04-27
11 瀏覽
去太極食晚飯前，已即時上open rice睇睇評語，發覺好壞參半。再到香港討論區望下，劣評如潮。心想，大鑊（唔係我話事去，因為有人係熟客）由於一早已訂，並且預訂兩個菜色，分別係片皮鴨及金華火腿，所以不想去還需去。準時晚上19:30一行八人前後腳到達，發覺環境寧靜，只得幾張有客，心中更加諗好食就大把人啦！點解會咁少客？點住點菜：冷盤：鎮江肴肉，鬆化，味道岩岩好。（值得推介）清炒蝦仁：論味道，岩岩好，但只係蝦稍稍細隻左小小（都可以推介）松子桂魚：個汁及味調校非常好，起肉及炸亦及水準（值得推介）賽螃蟹：一般水準，不提也罷。金華火腿：絕對係水準之上，砌功見功夫之外，火腿之好味係我近年所食到火腿中最好，唔食係一個損失（高度推介）（要預訂）片皮鴨：簡直係失敗之作，唔知點形容好，如果你食過泰豐及鹿鳴春既片皮鴨，就真係唔 好 係度食，我驚你會學我咁，想反面！（唔怪得要預訂，因為冇人食）小籠飽：皮簿，多汁，水準幾好，但一定唔係最好，可能我要求高（可以推介）拔絲香蕉：炸得幾好，唔太甜（可以推介）酒釀丸子：呢個真係要睇個人感受，唔飲酒既朋友，會覺得酒味濃，我就真係唔覺係一回事，或者咁講我覺得幾好，
由於一早已訂，並且預訂兩個菜色，分別係片皮鴨及金華火腿，所以不想去還需去。準時
晚上19:30一行八人前後腳到達，發覺環境寧靜，只得幾張有客，心中更加諗好食就大把人啦！點解會咁少客？
點住點菜：
冷盤：鎮江肴肉，鬆化，味道岩岩好。（值得推介）
清炒蝦仁：論味道，岩岩好，但只係蝦稍稍細隻左小小（都可以推介）
松子桂魚：個汁及味調校非常好，起肉及炸亦及水準（值得推介）
賽螃蟹：一般水準，不提也罷。
金華火腿：絕對係水準之上，砌功見功夫之外，火腿之好味係我近年所食到火腿中最好，唔食係一個損失（高度推介）（要預訂）
片皮鴨：簡直係失敗之作，唔知點形容好，如果你食過泰豐及鹿鳴春既片皮鴨，就真係唔 好 係度食，我驚你會學我咁，想反面！（唔怪得要預訂，因為冇人食）
小籠飽：皮簿，多汁，水準幾好，但一定唔係最好，可能我要求高（可以推介）
拔絲香蕉：炸得幾好，唔太甜（可以推介）
酒釀丸子：呢個真係要睇個人感受，唔飲酒既朋友，會覺得酒味濃，我就真係唔覺係一回事，或者咁講我覺得幾好，特別係桂花多（值得推介）
最後當然多謝阮小姐送上一客榚點，甜味岩岩好。影唔到相，手慢冇得食。（只係奇怪餐牌冇，佢剩係送俾熟客品嘗，點解咁好味既野佢又唔賣，真係唔明！）
總括而言，除左片皮鴨，太極係一個值得推介去食晚飯選擇。
張貼
