常嚐食•深燒堂 (已結業)

旺角一向都有好多唔同種類嘅餐廳，連串燒店都有好多！近來登打士街附近好似開咗間新嘅串燒店，入到冬天就想食吓啲燒物，一於去食。餐廳位置都幾易搵，就係喺掃街嗰條街其中一個街口入去，成條街都好多餐廳，佢叫做常嚐食。餐廳環境感覺係好新，裝修都係簡約風格。我哋拎咗點餐紙，上面包羅萬有，真係搞到選擇困難！首先我哋叫咗雞肉串同埋雞軟骨，仲有金菇肥牛串、五花腩蘆筍、雞中翼兩隻。呢度幾特別，上菜嘅時候枱面有個爐仔去盡量恆溫，幫佢哋保暖。呢個setting都幾適合打卡。如圖所見，每個串燒都落好多調味，我哋全單都係BB辣，都算啱啱好，唔會太過辣。我覺得五花籃配蘆筍呢一個配搭唔錯，肥肉之餘又有菜嘅汁。另外仲有芝士丸、四季豆、免治骨排～佢嘅芝士丸都幾惹味。以上咁多燒物，我最欣賞四季豆！多汁、惹味。另外仲有青魚柳同埋蟹蓋。賣相相當吸引。青魚嘅魚肉都幾滑，除咗頭尾比較多骨之外，中間都幾多無骨嘅肉～食落都幾方便。