揀得啱車仔麵 (已結業)

呢間車仔麵店個名好搞笑🤣但又真係會揀得岩，因為真係好多餸可以揀，有32款咁多！😆😆本身好想食埋佢個水煮魚🐟，聽聞幾好味，由於都比較飽冇叫到，下次去試下先～-千杯不醉雞翼 5隻雞翼隻隻都好大隻🐔！出面食嘅醉雞通常係凍，但呢個少少暖。煮得幾淋，酒味唔會太濃，好易入口～-麻辣鴨血本身就係一個鴨血控，一見到鴨血就無法抵抗！😍😍 一黎就聞到佢陣香味，即刻開曬胃😆見到佢好多芽菜做配菜，而且真係擺左好多辣椒調味🌶️鴨血切得岩岩好，唔會太厚唔會太薄☺️！而且非常滑身，好似入口即溶咁👍🏻-4餸麵 (入味豬大腸、瑞汁滑雞翼、黑松露雞肉水餃🥟、香菇貢丸🍄、油麵、滷水汁）車仔麵配料方面好多選擇，而且有啲都比較特別，係出面比較少見，例如黑松露雞肉水餃！所以就叫左黎試下😆黑松露味好重，如果鍾意黑松露嘅人可以一試！其他配料亦正常發揮，味道不錯😗-5餸麵 (豬紅、咖喱陳皮魚蛋、極品牛腩條、醬燒豬軟骨、黑松露雞肉水餃）豬軟骨煮得幾淋身，好入味！好大舊，而且都幾多骨膠原，正呀～😋👍🏻豬紅都好滑身，有口感，都係好味🤓麵底份量都好多，我同友人都食唔曬！