韓日屋燒烤放題 (已結業)

今日試左韓日放題，2.5小時任食，既可試韓燒又有我最愛既刺身食物款式十分多，牛肉、雞肉、豬肉及羊肉.....仲有日式刺身、壽司，小食類、炸物等選擇環境裝修雅緻，有好多韓星掛畫！好有韓風feel.....等候食物上台，有泡菜同芽菜作前菜！等候一陣，刺身盤放罝好精美上台，新鮮！三文魚切得厚厚的！鮮甜肥美！第一轉刺身每人都有一隻大頭蝦，唔算好大隻，但味道夠鮮甜其他刺身都吾錯，只系選擇上較少小食方面：韓式醬油生蝦，醬油香香，生蝦非常爽口！而韓式粉絲味道少咸，沒有韓國調味料味道，只是用豉油加辣油炒，沒有韓式粉絲味道！少不了的是：韓式炸雞，用左韓式甜辣醬，外脆肉軟，內裡肉質彈牙👍🏻香炸豆腐：外脆內滑！出面灑左七味粉，惹味開始入正餐，韓式燒烤：烤爐上面鋪左張紙，感覺食物既大部分油會俾紙吸走左推介牛舌，小小黑椒同鹽調味，燒完香口濃郁，爽！牛仔骨好嫩口，食落有蒜香味，牛肉味好重芥末一口牛柳粒：燒完完全沒有芥末味，但牛粒夠淋，一定要配牛汁食意外好味既燒蒜香生蠔，完全無腥味，加入蒜容非常惹味香口甜品都有好多選擇，有雪米糍，雀巢雪糕，豆腐花，自製蛋糕等等！食物款式多，價錢平！食物質素中上，值得一試