Sodam Chicken (已結業)

想食炸雞會諗到去Sodam Chicken 嘅炸雞焗雞放題，佢哋有多款口味選擇，$138 （炸雞及pizza 放題），加多$30有埋焗雞+額外口味+小食放題，好抵食。整體嚟講，雞肉無論係焗 或者炸都保持鮮嫩，每件雞都幾大件。檸檬柚子炸雞檸檬柚子汁酸酸甜甜，連埋炸雞一齊食，非常開胃，口感refresh，必點！香草青檸炸雞香草青檸汁主要係酸味，食完其他未覺得太油膩可以點呢個，中和返炸雞嘅油膩感，食完呢個汁又可以食多幾件雞。黑糖脆脆炸雞黑糖汁鹹鹹甜甜地，非常特別，同炸雞好夾，建議大家都試吓呢個味。蜜糖蒜香焗雞蜜糖汁甜甜地，有啲蒜片喺上面增加口感，焗雞冇炸雞咁熱氣，建議點呢個。雙重芝士焗雞芝士控嘅話可以食呢個，上面蓋滿咗芝士粉，芝士味超級濃郁。韓風紫菜焗雞焗雞上面有好多紫菜碎，原味嘅焗雞加少少海苔味，幾特別。蜜糖芥末薯條蜜糖芥茉醬整得好滑，甜得黎有少少辣味，薯條粗身，少少脆。