陀地燒 (已結業)

平時好鐘意食串燒，因為又平又可以食好多款式。最緊要係香口又好味。啱啱係中環有間叫陀地燒既串燒專門店，主打抵食平價多選擇的串燒。入職舖頭俾佢嘅特色牆吸引，因為一大幅牆入邊竟然會有神鳥鳳凰，即係小雞啄米圖呀。同朋友互相望到即刻要心理先。裝修好有童年回憶。之後睇到Memu，就知咩叫抵食啦。因為大部分既串燒都係$8-12，而且多選擇，傳統(牛肉羊肉豬頸肉)肉肉串燒，鵪鶉蛋，雞翼，蒜芯，又有新派的款式有牛油蜜糖烤麻糬，牛胸爽，雞爽肉，燒生蠔真係太多選擇啦。燒韭菜，加咗孜然粉非常多汁好味。燒金菇，燒茄子，燒菠蘿，黃金芝士年糕，不嬲都係我嘅必選項目。虎蝦，食到蝦肉結實彈牙。重有個燒蠔 ， 脹卜卜好大隻。翠玉瓜，為油膩嘅一餐加點清新。黑松露有皮薯條，當中黑松露沙律醬，好重黑松露味，越食越上引。要讚一下，滕椒魚皮麻麻辣辣食落好開胃，作為前菜，簡直係一流。最後配上菠蘿青檸梳打完成完美既一餐。陀地燒有兩間分店一間中環一間旺角。下次要去埋旺角分店先得。