樂麵

營業中

休息中

星期日6點左右去到唔洗等位，但係好多款都已經售罄，例如三款煎餃子，豚肉丼，茜口茜麵同茜炒飯等。店員安排我地坐左張二人枱，用QR CODE落單，兩個人叫左特盛版鏗魚雞白湯加港系口味特制藜麥麵，特盛版真熬雞白湯港系口味拉麵，再加一個椒鹽炸魚蛋串。拉麵揀左硬身，入口爽彈幾好食，個人意見拉麵好食過藜麥麵。雞白湯我揀左港系味冇咁咸，我覺得唔係幾夠味，下次試下日系濃版先，雞肉食落冇味，鴨肉同豚肉會比較好食。店員亦都有禮貌，不過兩碗拉麵黎到個陣個匙羹都好油，要自己用紙巾抹完先用到，呢一點可以改善下。另外，建議男仕黎食既時候要加麵底。