影片
更多
2021-10-12
128 瀏覽
一入秋就好想打邊爐, 同邊爐Buddy食開日式shabu shabu, 但多數都唔算太多配料可以揀, 諗諗下今次不如轉下新場!瓊華好多層都係火鍋店, 見呢間好多好評, 而且仲可以揀食90 / 150分鐘, 呢個彈性幾貼心, 可以因應自己budget 同時間去揀我地因為唔想趕頭趕命, 就揀左150分鐘慢慢傾下計! 2個人食, 揀左我們至愛的壽喜燒湯底! book左位基本上唔使等已經入得, 第一次黎覺得環境都唔錯, 比想像中乾淨好多, 連洗手間都唔會濕笠笠座位間都幾闊落, 傾計都唔會好嘈一開始上左一round 刺身, 海鮮, 牛肉同豬肉~想再食就可以scan QR Code 繼續落單刺身拼盤 - 三文魚同螺幾新鮮! 任食架! 海鮮拼盤 - 有蝦、帆立貝、海蜆、蟶子、東風螺, 樣樣都好食!!! 連多數都會中伏的蝦都好食喎~~ 有驚喜!日本和牛 - 好有牛味!但今日好似切得太薄了, 犧牲了口感.....澳洲和牛 - 好食! 脂肪分布平均, 有牛味又厚薄適中, 我地都encore 左4碟! 每一碟都好快到, 而且唔會得第一碟係靚~碟碟都差不多水準!豬肉都好食, 不過又係太薄喇.........
瓊華好多層都係火鍋店, 見呢間好多好評, 而且仲可以揀食90 / 150分鐘, 呢個彈性幾貼心, 可以因應自己budget 同時間去揀
我地因為唔想趕頭趕命, 就揀左150分鐘慢慢傾下計!
2個人食, 揀左我們至愛的壽喜燒湯底!
book左位基本上唔使等已經入得, 第一次黎覺得環境都唔錯, 比想像中乾淨好多, 連洗手間都唔會濕笠笠
座位間都幾闊落, 傾計都唔會好嘈
一開始上左一round 刺身, 海鮮, 牛肉同豬肉~
想再食就可以scan QR Code 繼續落單
刺身拼盤 - 三文魚同螺幾新鮮! 任食架!
海鮮拼盤 - 有蝦、帆立貝、海蜆、蟶子、東風螺, 樣樣都好食!!! 連多數都會中伏的蝦都好食喎~~ 有驚喜!
日本和牛 - 好有牛味!但今日好似切得太薄了, 犧牲了口感.....
澳洲和牛 - 好食! 脂肪分布平均, 有牛味又厚薄適中, 我地都encore 左4碟! 每一碟都好快到, 而且唔會得第一碟係靚~碟碟都差不多水準!
豬肉都好食, 不過又係太薄喇..............
任食火鍋黎講呢間真係算好多配料, 除左出面呢d, 其實仲有大量刺身海鮮款可以用qr code 落單, 我覺得真係好適合男士聚餐!!!
呢個櫃勁多唔同種類的丸、腸、餃等等, 仲有d特別款式例如麻辣小籠包、松露小籠包等等
個香菇貢丸好好食! 但因為真係好肥所以只食左一粒.....T^T
另外仲有好多熱食、炸物、咖哩魚蛋等等, 胃口唔夠唯有睇左當食左~見到有食評話有炸饅頭, 不過我就遇唔到T^T
除左出面呢d熱食, 其實仲可以order 燒雞翼、燒菠蘿、金菇肥牛卷等等, 一件件咁點, 我地叫左幾款都好好食!
每樣食一啖都已經飽到傻喇!!
飲品櫃選擇都唔少, 值得一提的是佢連清酒梅酒都任飲,
甜品就比較簡單, 都係布丁、奶凍、啫喱等等
另外仲有兩個雀巢雪糕雪條櫃, 不過我地真係太飽喇, 唯有忍痛放棄甜品
總括黎講, 如果d牛切得厚返少少, 整體性價比真係幾高!
環境同店員服務態度都值得加分~~問佢地推介咩丸類都好耐心答!
張貼
