養心亭

營業中

休息中

天氣凍冰冰想食啲熱嘢，見到有醉雞米線，又好似幾多人食緊，價錢又唔係好貴，所以就決定試吓。.叫咗個藥膳醉雞湯銀針粉，好少餐廳會有銀針粉，咁就試吓夾唔夾～ 食得雞湯湯粉就當然會飲埋個湯，連埋銀針粉一齊食食到好重嘅藥膳味，但係雞味或者酒味就唔夠濃。.啲雞亦都冇咩雞味或者酒味，略為失望。唔算好嚡，但都唔係好滑好嫩，只能夠講有好多雞，以數量取勝。不過送咗一個辣辣地嘅豉油，個雞點完會香啲，加返少少分.另外跟餐送咗個醃青瓜，都爽口味道正正常常。仲送咗杯熱茶，好似話係咩養生茶，飲落去的確係有少少類似紅棗或者桂圓味，好暖身。.整體嚟講，如果你想食好多雞嘅話，呢度絕對啱你，但係如果你想食重雞味或者酒味嘅醉雞，同區會有更加好嘅選擇。