Plato Cafe & Bistro (Mikiki)

多次想同同事一齊食呢間lunch 長期要等位嘅西餐廳，上次等唔到位，今次終於俾我哋等到可以試試佢。對上一次已經揀好左韓式泡菜海蝦意大利麵呢個餐，因為我哋lunch 時間有限，一坐低就要即刻落order，唔係真係唔夠時間。好彩我無揀錯，呢個意粉嘅汁我覺得佢係用泡菜打汁而成，無乜開稀到。開頭見到佢汁唔算多，以為唔夠味，點知，食一啖就已經知係真材實料。泡菜汁好掛粉，入口即刻有濃烈嘅泡菜味，每啖意粉都有滿滿泡菜嘅酸酸辣辣，超入味。而海蝦夠大隻，分量亦多，起碼有4-5隻。因為佢個醬汁實在好濃泡菜味，如果唔食得辣嘅朋友就唔好挑戰自己。好可惜因為lunch 實在太趕，如果可以慢慢享受呢到嘅環境加食物就更好了。