陵發潮州白粥 (已結業)

朋友推介，餸菜大碟又平宜。我哋一行4人，叫咗蠔仔粥，鵝片細份，炆春菜，油菜，煎蠔餅，鹵水墨魚拼豬耳和韮菜豬紅。蠔仔粥多蠔，不過有少少醒，而且冇乜鮮味，需要落胡椒粉調味。鹵水鵝片大大份，啲肉有鵝味道，唔會過韌，鹵水汁正常水準。炆春菜第一次食，有啲似芥菜，不過冇咁苦同理炆到好淋好入味。韮菜豬紅份量都係好大，好多豬紅，韮菜，我淨係食咗韮菜，啲汁好好味，不會過鹹。煎蠔餅裹面好多蠔，好脆口。叫的太多嘢食，食唔曬囉。當日係平日餐廳都好曝，環境就比較逼和嘈。上菜，待應服務都快嘅。滿意嘅一餐。